وصفات الست غالية..مكتوبة

السلام عليكم ورحمة الله وبركاته
طبعا ناس كتير منكم تعرف الست غالية........وما ادراك بالست غالية

[ندعوك للتسجيل في المنتدى أو التعريف بنفسك لمعاينة هذه الصورة]


حبيت انزلكوا بعضا من وصفاتها المميزة
يارب تعجبكم...


البيتزا:

المقادير:- 2 كوب دقيق – نصف كوب زيت. – مقدار من الخميرة البيرة. – نصف ملعقة سكر. – ذرة ملح.
الطريقة:
- يتم خلط السكر بالخميرة البيرة، ثم إضافتها إلى إناء الدقيق الذى تم نخله جيدا، ثم نضيف مقدار الماء، ويتم عجنها عن طريق اليد أو يمكن استخدام ملعقة خشبية، وبعد الانتهاء من العجن، تترك العجينة مغطاة حتى تخمر.
- نصيحة الست غالية: ماتسيبيش العجينة طرية، خليها ماسكة علشان ماتفركش منك.

حشو البيتزا:

- يمكن استعمال عدد من أنواع الجبن «المتوافر فى المنزل» والتونة، والزيتون، والفلفل الأخضر، والطماطم، والصلصة، وأى إضافات أخرى حسب الرغبة، «وحسب اللى تلاقيه عندك فى البيت ماتتعبيش نفسك وتشترى، دورى فى التلاجة أكيد هتلاقى»، وعند إضافة التوابل «حطى بقى توابل زى ما انتى عايزة، كل المكونات اللى فاضلة عندك فى البيت ينفع حطى منها برضه».
- نصيحة الست غالية: ماتزوديش الدقيق فى العجينة وخلى إيدك مظبوطة لحد ما تمسك معاكى.

الحواوشى:

المقادير: – نصف كيلو لحمة مفرومة «الكمية تزيد حسب الرغبة وعدد الأشخاص». – خبز نصف سوا «من الفرن». – ملح. – فلفل أسود. – كمية كبيرة من البصل المبشور. – فلفل رومى أخضر. – فلفل حار «حسب الرغبة».
الطريقة:

- نضع اللحم فى إناء عميق، ثم نضع عليها الفلفل والملح والبهارات، والبصل، «واخلطيها كويس جدا علشان تفرد معاكى فى الرغيف»، ونحضر الخبز ونقوم بفتحه بمسافة خمسة سنتيمترات مثلا، أو حسب حجم الرغيف، ونضع بداخله كمية مناسبة من الخلطة، وبعد أن ننتهى من الكمية نلفها كل رغيف على حدة فى ورق فويل، «لو مافيش ورق فويل ممكن تحطيها فوق الصينية على النار»، وقلبى الرغيف على الجانبين لحد ما يتحمر كله
المكرونة الإسباجتى بالصلصة:

المقادير: – كيس مكرونة إسباجتى. – ملح. – فلفل أسود. – فلفل رومى. – زيتون أسود. – طماطم. – زيت أو سمنة. – ثوم.
الطريقة:
- توضع المكرونة فى المياه المغلية المضاف إليها قليل من الملح وقليل من الزيت، «بعد كده شيلى غطاء الحلة، وسيبى المكرونة تغلى وقلبى كل شوية وخلى عينك عليها طول ما هى على النار»، وبعد أن تنضج جيدا يتم تصفيتها فى مصفاة، وضعى فوقها مياها باردة، ثم نتركها مرة أخرى ليتم تصفيتها تماما.
الصلصة: – نضع فصوص الثوم المفرومة فى زيت أو سمن، «وافرمى التوم كويس قوى لأنه بيبان فى الأكل»، ونقلب جيدا، وبعد أن يصير لونها ذهبيا نضيف عصير الطماطم مع التوابل والملح، ونغطيها جيدا، ثم تبدأ فى الغليان، ونهدئ النار قليلا حتى يتم تسبيكها «التسبيكة دى مهمة قوى، لأنها بتفرق فى الطعم»، وبعد ذلك نضيف إليها المكرونة، ويستمر التقليب على نار هادئة لمدة خمس دقائق، ثم تقدم ساخنة مع السلطة.
- نصيحة الست غالية: أهم حاجة تاخدى بالك من المكرونة لأنها لو استوت زيادة هتعجن.

السمك الصيادية:

المقادير: – بصلة. – أرز. – طماطم. – ملح وفلفل وكمون. – كزبرة. – بقدونس. – سمك.
الطريقة:
- يتم تتبيل السمك بالملح والفلفل الأسود والبهارات، ثم قلّيه فى الزيت، ثم يتم تحمير الأرز فى ملعقة سمن على النار ثم أضيفى الطماطم المعصورة إليه «وزودى شوية مية.. بس ماتكتريش»، وأضيفى الكمون والملح والبهارات «لحد ما لون الرز يبقى محمِر شوية». أضيفى الكزبرة والبقدونس لطبق الأرز، ثم ضعى السمك على سطح الطبق، ويصبح جاهزا للتقديم.
- نصيحة الست غالية: إبقى شققى السمك بالسكينة قبل ما تحطيه على الأرز هيفرق معاكى فى الطعم.

العجوة بالبيض:

المقادير:- 1\4 كيلو عجوة – 4 بيضات- 1 معلقة سمن.
الطريقة:
- ضعى العجوة على النار «بس ماتسيبيهاش كتير علشان ماتتحرقش منك»، وأضيفى إليها السمن، قومى بتقليبها حتى تتفكك العجوة وتتشرب السمن، ثم أضيفى البيض لها وقلبيها حتى ينضج البيض، «ماتسيبيهمش على النار كتير أول ما البيض يستوى شيليها من على النار على طول»، ثم اتركيها قليلا حتى تهدأ، وهنا تكون جاهزة للتقديم.
- نصيحة الست غالية: ماتحطيش سمن كتير علشان مايبقاش طعمها وحش والأطفال مابيحبوهاش بالسمنة الكتير.

البيتى فور:

المقادير: -1 كيلو دقيق. – 3\4 كيلو سمن. – 2 كيس فانيليا. – 5 بيضات. – ملعقة بيكينج بودر. – 1\4 كيلو سكر بودرة.
الطريقة:
- يتم خلط الدقيق وسكر البودرة والسمن، ولا يشترط أن يكون السمن دافئا عكس الكحك، ثم يتم خلطها ببطء عن طريق اليد لا عن طريق المعلقة الخشبية. «إيدك أأمن وأحسن من المعلقة، وهتخليكى تتحكمى فى العجينة أكتر»، ثم يبدأ إضافة البيض لها بمجرد خلطها جيدا حتى لا يجف العجين، إوعى تسيبى العجينة تنشف منك أحسن تبوظ»، ثم الفانيليا والبيكينج بودر، ويتم تشكيلها يدويا، «لو فى عندك الماكينة بتاعة البيتى فور استعمليها، لو ماعندكيش إحنا بنعمله بإيدينا وبيطلع زى الفل»، وبعد ذلك نضعها فى الفرن على نار هادئة، لمدة دقائق قليلة.
- نصيحة الست غالية: أهم حاجة فى البيتى فور أن السكر يكون مطحون كويس علشان مايحببش فى العجين.
الجولاش:

المقادير:- ملعقة سمن «تزيد حسب الاحتياج والكمية – علبة أو نصف علبة من الجولاش – مقدار من ملاعق السكر – قليل من عصير الليمون.
الطريقة:
- يتم دهن الصينية بالسمن حتى يغطيها تماما، ثم يتم فرد الجولاش فى الصينية ويوضع على النار، فى حالة وجود حشو يتم وضعه بين طبقات الجولاش، على أن يتم فرد بعض طبقات الجولاش، ثم الحشو، ثم وضع الطبقات المتبقية من الجولاش، وتوضع فى الفرن، «لكن إحنا بنعمله من غير حشو علشان الظروف مش مساعدانا»، حتى يحمَر وجه الجولاش، وفى هذه الأثناء يتم تجهيز العسل بالطريقة التى سبق الإشارة إليها، بخلط السكر والماء والليمون، وبعد أن يبرد العسل يتم صبه على الصينية وهى ساخنة حتى يتشربه الجولاش جيدا.

شربات الجولاش:

المقادير:- 2 كوب سكر – كوب نص ماء – الليمون.
الطريقة:
- يتم خلط المكونات جيدا على النار.
- نصيحة الست غالية: أهم حاجة وانتى بتشترى الجولاش ماتجيبيهوش ناشف، ولما تيجى على جنابه اتنيها كويس علشان ماتبقاش على حروف الصينية وتتحرق.

شكرا عالمجهود

العفو.....نورتي يا جميل