احلي فطيرة جوز هند...بجد حلوة اوييي

السلام عليكم يا احلي عضوات


النهاردة جايبلكم طريقة تحضير احلي فطيرة جوز هند


يارب تعجبكم وتجربوها

ومش رح اكتر في الكلام وهنبتدي في المقادير
عندنا مقدارين مقدار للعجينة ومقدار للحشوة

مقدار العجينة:
3 كوب دقيق
3 معالق حليب باودر
2 معلقة سكر
1\3 كوب لبن سائل
معلقة خميرة فورية
بيضة
رشة ملح
2 معلقة زبدة طرية
1\2 كوب ماء دافي

مقادير الحشوة
كوب ونص جوز هند
علبة قشطة
3 معالق زبدة طرية
1\2 كوب سكر ولو بتحبيه تكون حلوة اكتر حطي كمان سكر

طريقة العمل :
نضع اللبن السائل ويكون دافي مع الخميرة والسكر ونتركه 10 دقايق ورح يتضاعف حجمه وبعد كدا رح نضيف البيضه بنكون خفقناها بالشوكة
وبعدين رح نخلط الدقيق مع الملح واللبن الباودر ونضيفهم بالتدريج للخليط بالتناوب مع المية ونعجن وفي نص مرحلة العجين هنحط الزبدة ونعجن ونكمل باقي الدقيق والمية ولو احتجتي مية حطي لحد ما تتكون عندك عجينة متماسكة زي عجينة البيتزا المهم الميه تكون دافية
انا دهنت وشها شوية زبدة طبعا انتو تقدرو تعجنوها بالعجانه انا بعجنها بالعجانه بس النور كان قاطع وست الكل ماما حبيبتي هيا اللي عجنتها عشان ندعيلها دعوة حلوة كلنا


[ندعوك للتسجيل في المنتدى أو التعريف بنفسك لمعاينة هذه الصورة]


نتركها تتخمر تقريبا ساعه الا ربع وانا نسيت اصورها لما اتخمرت
وفي الوقت اللي العجينه بتتخمر فيه هكون حضرت الحشوة اللي مقادريها فوق هنخلط المقادير كلها مع بعض وهيكون شكلها كدا


[ندعوك للتسجيل في المنتدى أو التعريف بنفسك لمعاينة هذه الصورة]


ولما العجينة تتخمرهنقطعها تقريبا 11 _13 قطعه كور صغيرة ونغطيها بنايلون واحنا بنشتغل



[ندعوك للتسجيل في المنتدى أو التعريف بنفسك لمعاينة هذه الصورة]


وبعدين هنفرد كل وحده على شكل بيضاوي ويبقى شكلها كدا


[ندعوك للتسجيل في المنتدى أو التعريف بنفسك لمعاينة هذه الصورة]


ونحط عليها معلقة من الحشوة بتاعتنا



[ندعوك للتسجيل في المنتدى أو التعريف بنفسك لمعاينة هذه الصورة]


ونلفها زي الرول ونقفلها كويس


[ندعوك للتسجيل في المنتدى أو التعريف بنفسك لمعاينة هذه الصورة]


وبعد كدا رح نتني الاسطوانه على نفسها زي اللي في الصورة



[ندعوك للتسجيل في المنتدى أو التعريف بنفسك لمعاينة هذه الصورة]


وهشقها من الوسط بسكينة وهباعد بين الطرفين وهيبقى شكلها زي كدا



[ندعوك للتسجيل في المنتدى أو التعريف بنفسك لمعاينة هذه الصورة]


واجيب صينيه وادهنها زيت وادهن وش الفطيرة باللبن السائل لو مش عايزة تدهنيها انتي حرة عادي وترشي شوية فستق


[ندعوك للتسجيل في المنتدى أو التعريف بنفسك لمعاينة هذه الصورة]


وندخلها الفرن على درجه 200 حرارة من الوجهين فوق وتحت ونحطها في الرف الوسط عشان تتحمر كويس


[ندعوك للتسجيل في المنتدى أو التعريف بنفسك لمعاينة هذه الصورة]


ودي لاول عضوة هترد عالموضوع

[ندعوك للتسجيل في المنتدى أو التعريف بنفسك لمعاينة هذه الصورة]


بصراحة شكلها وطعمها تحفة ويجنن
لو عجبكم الموضوع ماتحرمونيش من ردودكم وكمان دعوة حلوة منكو