انا فاكر اني لما كنت صغير
كنت بعشق التسلق عالشجر او اي شيئ ينفع اتشعلق عليه
وخاصة لما اكون في العزبة
مرة كنت كسرت برواز بالكورة فمن غبائي خفت جدا فقررت اني استخبي فروحت جريت وطلعت فوق شجرة عالية كانت قابلة للتسلق واتداريت فيها حوالي 3 ساعات وطبعا العيلة كلها اتوزعت فرقات بحث عني وكل ما حد يقرب من الشجرة اموت رعب بس ماحدش اكتشف مكان
والدي الله يرحمه ماكانش موجود ساعة ما اكتشفوا غيابي ولما جه وعرف اللي حصل
وبما انه عارف ان ابنه قرد وانه هو اللي علمني التسلق،اول مكان راح يدور فيه هو الشجر هههه
وساعتها لما لقاني بعد مانزلت اخدت محاضرة عن السلوكيات البشرية الطبيعية مع قرسة ودن جامدة وعقاب بالحبس لمدة 3 ساعات وبعد واسطة من امي وجدتي أتخففت العقوبة لساعة واحدة